Sarayda dostunun toy kortejində avtoşluq edən gənc saxlanıldı

Abşeronda dostunun toy kortejində avtoxuliqanlıq edən 25 yaşlı oğlan saxlanılıb.

Avtosfer.az oxu.az-a istinadən xəbər verir ki, hadisə rayonun Saray qəsəbəsində baş verib.

Qəsəbə sakini Pərviz Əliyev (ad və soyad şərtidir) mayın 12-də dostunun toy məclisinə gedərək idarə etdiyi avtomobillə avtoşluq edib və yolun hərəkət zolağında digər avtomobillərə qəza şəraiti yaradıb.

Sürücü dərhal saxlanılaraq barəsində inzibati protokol tətbiq edilib və iş məhkəməyə göndərilib.

Məhkəmənin qərarı ilə P.Əliyev bir il müddətinə nəqliyyat vasitəsini idarə etmək hüququndan məhrum edilməklə 500 manat inzibati qaydada cərimə edilib.