Səfirliyə məxsus “Audi” qəfil manevrlə qəza şəraiti yaratdı - VİDEO

Paytaxtın 8 Noyabr prospektində (şəhər istiqamətində) kobud qayda pozuntusuna yol verən sürücü avtomobilin kamerasına düşüb.

Bu barədə izləyicilərdən biri Avtosfer.az-ın “Whatsapp” ünvanına videonu göndərərək məlumat verib. Hadisə iyulun 23-də saat 21:31 radələrində qeydə alınıb. Belə ki, səfirliyə məxsus “Audi” markalı avtomobilin sürücüsü zolaqda yerləşmə qaydasını pozub. O, yalnız düz istiqamətdə hərəkətə icazə verilən ikinci zolaqdan qəfil sol zolağa keçərək sola dönmək istəyib.

Bu zaman həmin zolaqda hərəkətdə olan avtomobil üçün qəza şəraiti yaranıb. İzləyicinin sözlərinə görə, o, qəzadan yayınmaq üçün əyləci tam sıxıb və ardınca sağ zolağa manevr edib.

Qeyd edək ki, qanunvericiliyə əsasən, sürücü öncədən hərəkət zolağında düzgün yerləşməli və manevr zamanı digər hərəkət iştirakçılarına təhlükə yaratmamalıdır. Son anda edilən bu cür zolaq dəyişmələri nəqliyyat axınının təhlükəsizliyini pozmaqla yanaşı, arxadan gələn sürücüləri ani qərarlar verməyə məcbur edir ki, bu da ağır yol-nəqliyyat hadisələri ilə nəticələnə bilər.

Nərmin