Şəhərin mərkəzində “Niva” və “Lada” sürücüləri yolboyu təhlükəli yarışa çıxdı - VİDEO

Paytaxtın Nəsimi rayonu, Rəşid Behbudov küçəsində yol hərəkəti qaydalarını kobud şəkildə pozan sürücülər görüntülənib.

Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb. Belə ki, hərəkətdə olan 90-PR-014 dövlət nömrə nişanlı “Lada Granta” və 90-ZC-025 dövlət nömrə nişanlı “VAZ-2121” (Niva) markalı avtomobillərin sürücüləri təhlükəli manevrlər ediblər.
Kadrdan da göründüyü kimi, onlar maşınların arasından keçərək bir-biriləri ilə yarışıb və bu zaman digər hərəkət iştirakçıları üçün ciddi təhlükə yaradıblar. Hətta “Niva”nı ötməyə çalışan “Lada” sürücüsü qəzadan son anda yayına bilib.

Qeyd edək ki, sürücülərin bu davranışı avtoxuliqanlıq hesab olunur və qanunvericiliyə əsasən ciddi cərimələr və sürücülük hüququndan məhrumetmə ilə nəticələnə bilər. 

Nərmin