Şəhərin mərkəzində velosiped zolağını zəbt edən sürücü - 90-EA-003 - FOTO

Paytaxtın 8 Noyabr prospektində qayda pozan sürücü lentə alınıb.

Avtosfer.az-ın məlumatına görə, hadisə aprelin 15-də səhər saatlarında qeydə alınıb. Belə ki, 90-EA-003 dövlət nömrə nişanlı “BMW” markalı avtomobilin sürücüsü nəqliyyat vasitəsini velosiped zolağında saxlayaraq park edib. Bu səbəbdən velosipedlə hərəkət edən şəxslərin yolu bağlanıb və onların hərəkəti məhdudlaşıb.

Qeyd edək ki, velosiped zolaqları xüsusi olaraq iki təkərli nəqliyyat vasitələrinin təhlükəsiz hərəkəti üçün ayrılıb. Bu zolaqlarda avtomobillərin saxlanılması və ya park edilməsi həm inzibati məsuliyyət yaradır, həm də qəza riskini artırır. Sürücülər unutmamalıdır ki, belə qayda pozuntuları digər hərəkət iştirakçılarının həyatını təhlükə altına qoyur və yol hərəkətində qarşılıqlı hörmət prinsipinə ziddir.

Nərmin