Səkidə parklanan maşın əlilin hərəkətinə maneə yaratdı – 77-UX-158 - VİDEO

Bakıda parklanma ilə bağlı problemlər təkcə avtomobil sürücüləri üçün deyil, həm də piyadalar üçün ciddi çətinlik və təhlükə yaradır. Xüsusilə hərəkət məhdudiyyətli şəxslər bu problemlə daha çox üzləşirlər.

Avtosfer.az xəbər verir ki, paytaxtın küçələrindən birində əlil arabasında hərəkət edən bir piyada səki ilə hərəkət edərkən çətin vəziyyətlə üzləşib. Səkinin üzərində park edilən 77-UX-158 dövlət nömrə nişanlı “Nissan” markalı avtomobil onun hərəkət yolunu tam bağlayıb.

Nəticədə əlil arabasında olan şəxs səki ilə hərəkətini davam etdirə bilməyib və məcbur qalaraq geri qayıtmalı olduğunu bildirib. O qeyd edib ki, bu cür hallarla demək olar ki, tez-tez rastlaşır və səkiyə park edən avtomobillər hərəkət məhdudiyyətli şəxslər üçün ciddi maneə yaradır.

Məsələ bir daha göstərir ki, bəzi sürücülərin qaydalara əməl etməməsi təkcə nəqliyyatın hərəkətinə deyil, piyadaların, xüsusilə də əlilliyi olan şəxslərin gündəlik hərəkətinə ciddi çətinlik yaradır. Mütəxəssislər bildirirlər ki, səkilərin piyadalar üçün nəzərdə tutulduğunu nəzərə alaraq sürücülər bu cür qayda pozuntularından çəkinməlidir.

Eltac Zülfüqaroğlu