Səkiyə və parka sığmayan qadın yolun ortası ilə hərəkət etdi - VİDEO

Bakının mərkəzi küçələrindən biri olan Vaqif prospektində yol hərəkəti qaydalarının pozulması kameralara düşüb. Avtosfer.az xəbər verir ki, yaşlı qadın piyadanın hərəkəti səkidən deyil, avtomobillər üçün nəzərdə tutulmuş yolla davam etdirməsi təhlükəli vəziyyət yaradıb.

Videoda aydın görünür ki, prospekt boyunca piyadaların rahat gedişi üçün səki mövcuddur. Hətta həmin ərazidə insanların hərəkəti üçün geniş park da var. Buna baxmayaraq, qadın bütün bu imkanlardan imtina edərək avtomobillərin sürətli hərəkət etdiyi əsas yola çıxıb və özünü təhlükə altına atıb.

Bu cür davranış təkcə piyadanın həyatını riskə atmır, həm də sürücülər üçün qəfil qəza təhlükəsi yaradır. Çünki hər an yolun ortasında gözlənilmədən görünən piyada sürücüləri ani manevr etməyə məcbur edir ki, bu da yol-nəqliyyat hadisəsinə səbəb ola bilər.

Fərid