Sərxoş halda yaxalanan gənc sürücü yol polisinə belə yalvardı - VİDEO

Sərxoş vəziyyətdə yol polisinə yaxalanan gənc sürücünün yalvarışları onu cərimə olunmaqdan xilas etməyib. Avtosfer.az xəbər verir ki, hadisə Türkiyədə, Burdur-Fethiyə magistral yolunda keçirilən reyd zamanı baş verib. Belə ki, 21 yaşlı sürücü idarə etdiyi 07-GYS-48 nömrə nişanlı “Honda” markalı avtomobil yol polisi əməkdaşı tərəfindən saxlanılıb. Sənədləri yoxlanılan gənc daha sonra alkoqol testindən keçirilib. Yoxlama zamanı gənc sürücünün 1,97 promil  sərxoş olduğu müəyyənləşib. 
Sürücülük vəsiqəsinin əlindən alınacağını eşidən sürücü buna etiraz edərək yalvarmağa başlayıb: “Həyatımda ilk dəfədir ki, bunu edirəm. Heç kimin üzünə baxa bilmirəm. Sakitcə dönüb evə gedim, xahiş edirəm bunu etməyin”. 
Polis tərəfindən həyata keçirilən prosedurlardan sonra onun sürücülük vəsiqəsi 6 ay müddətinə müsadirə edilib və 370 manat məbləğində inzibati cərimə tətbiq edilib. Daha sonra o, dindirilmək üçün polis bölməsinə aparılıb və avtomobili dayanacağa aparılıb.

Namiq Musayev