Sərxoş sürücü bir gecədə 5 qəza törətdi - Cərimələndi, sürücülük vəsiqəsi əlindən alındı

Sərxoş sürücü bir gecədə bir-neçə qəza törədib. Avtosfer.az xəbər verir ki, hadisə Rusiyanın Kursk vilayətində baş verib.
Məlumata görə, bir gecədə 5 qəza törədən sərxoş “Mercedes-Benz” sürücüsü Lenin küçəsində hüquq-mühafizə orqanlarının əməkdaşları tərəfindən saxlanılıb. Məhkəməyə çıxarılan şəxs inzibati xəta törətməkdə təqsirli olduğunu etiraf edərək izah edib ki, həmin gecə sərxoş vəziyyətdə olub və avtomobil idarə edərkən müxtəlif ərazilərdə park edilmiş 5 nəqliyyat vasitəsini vurub. 
Hakimin qərarı ilə sürücü 45 min rubl (947 manat) cərimələnib və bir il altı ay müddətinə sürücülük vəsiqəsindən məhrum olunub.

Namiq Musayev