"Stop" nişanında dayanan sürücüyə əsəbiləşib qarşısını kəsdi - VİDEO

Bakıda qaydaları pozan sürücü təhlükəli vəziyyət yaradıb. Avtosfer.az xəbər verir ki, hadisə oktyabrın 22-də, paytaxtın Əhməd Rəcəbli küçəsində qeydə alınıb.

Belə ki, 77-AF-215 qeydiyyat nişanlı "Chery" markalı avtomobilin sürücüsü "stop" nişanında dayanan avtomobilə siqnal verərək sürməsini tələb edib. Daha sonra onu ötərək qarşısına keçib.

Qeyd edək ki, dəmiryol keçidləri təhlükəli yol sahəsi olduğu üçün sürücülər orada diqqətli olmalı, qaydaları pozmamalıdırlar. Şlaqbaumla qorunmayan dəmiryol keçidlərində sürücülər stop nişanında mütləq dayanmalı və yaxınlaşmaqda olan qatarın olub-olmadığını müəyyən etməlidirlər. Eyni zamanda dəmiryol keçidlərinə 100 metr yaxın məsafədən ötmə əməliyyatı etmək qadağandır. Bu qaydanın pozulması qatarla toqquşma riski yaradaraq ağır nəticələrə səbəb ola bilər.

Fərid