Sükan arxasında telefona başı qarışan sürücünü nə gözləyir? - DYP-dən VİDEO

Sükan arxasında olduğumuz hər an məsuliyyət daşıyırıq. Cəmi bir saniyəlik diqqətsizlik, telefonla mesaj yazmaq, siqaret yandırmaq, hətta yanındakına baxmaq belə – faciəyə səbəb ola bilər. 

Avtosfer.az xəbər verir ki, bu barədə Baş Dövlət Yol Polisi İdarəsinin şöbə rəisi, polis polkovnik-leytenantı Rövşən Tağıyev sosial şəbəkə hesabında bildirib:

“Gündəlik həyatda eşitdiyimiz və gördüyümüz yol qəzalarının çoxu sürücülərin bir anlıq səhvləri ucbatından baş verir. Hər şey qaydasında görünə bilər, amma bir saniyəlik dalğınlıq həyatları dəyişir. Qəzadan sonra “kaş ki, diqqətli olaydım” deməyin mənası yoxdur, artıq gecdir”.

Unutmayaq ki, sükan arxasında hər bir qərar nəinki bizim, həm də yolda olan hər kəsin taleyinə təsir edə bilər.

Eltac Zülfüqaroğlu