Sürücü maşını “28 Mall”un qarşısındakı piyada keçidinin üstündə park etdi - FOTO

Paytaxtda sürücülərin piyadalara qarşı saymazyana münasibəti nəticəsində qaydaları kobud şəkildə pozma halalrına yenə rast gəlinir. Nəticədə, şəhərin əksər küçə və prospektlərində ya avtomobillər əlindən keçilməz səkilər, ya da piyada keçidləri ortaya çıxır.

Avtosfer.az xəbər verir ki, Bakının Nəsimi rayonu Füzuli küçəsində sürücü avtomobili digər taksi yoldaşlarının köməyi ilə birbaşa “zebra”nın üzərində park edib. Belə ki, “BYD” markalı 77-UZ-184 qeydiyyat nişanlı nəqliyyat vasitəsinin sürücüsü “28 Mall”un qarşısında taksilər üçün yaradılan parklama zonasında maşınını saxlamağa çalışıb.

Taksi parklanma zonasında yer olmadığı üçün isə sürücü maşını piyada keçidinin üzərində saxlayıb. Nəticədə, keçiddən istifadə etməyə çalışan piyadalar yolu keçməkdə çətinlik çəkib.

Qeyd edək ki, bu cür qayda pozuntuları İnzibati Xətalar Məcəlləsinin 346.1-ci maddəsinə əsasən 20 manat cərimə ilə nəticələnir.

Səfər