Sürücülərin diqqətinə! - Bu avtobus zolağına istənilən saatda daxil olmaq olar - VİDEO

Bakıda hərəkətin təşkilində olan nöqsanlar sürücülərdə çaşqınlıq yaradır. Avtosfer.az xəbər verir ki, söhbət paytaxtın Ziya Bünyadov prospektindəki avtobus zolağından gedir. Belə ki, sözügedən prospektdə avtobus zolağı olsa da, Zaur Nudirəliyev küçəsi ilə kəsişmədən sonra avtobus zolağını bildirən 5.9 nişanı yoxdur. Buna baxmayaraq, sağ zolaq digər zolaqlardan 1.1 xətti ilə ayrılıb.

Hazırda avtobus zolağını bildirən 5.9 nişanı olmadığı üçün Zaur Nudirəliyev küçəsindən gəlib sağa dönən sürücülər ən sağ zolaqla rahatlıqla hərəkət edə bilirlər. Bu səbəbdən heç bir sürücü məsuliyyətə cəlb edilə bilməz.

Eyni zamanda, Əhməd Rəcəbli küçəsinə dönən hissədə sağ zolağa keçməyə qırıq xətlər təşkil edilməyib. Buna görə sürücülər məcburi şəkildə ikinci zolaqdan sağa dönməli olurlar.

Bu nöqsanlara görə aidiyyəti qurumlar həmin ərazidə hərəkətin təşkilinə yenidən baxmalıdır.

Fərid