Svetofor görünmədiyi üçün sürücülər qırmızı işıqda hərəkət edirlər: Çıxış yolu budur - VİDEO

Sürücülərin təhlükə ilə üzləşdiyi yolda çəkilmiş video sosial şəbəkədə yayılıb. Avtosfer.az-ın məlumatına görə, paytaxtın Əhməd Rəcəbli küçəsində avtobus svetoforun qarşısında dayandıqda sürücülər qırmızı işığı görməkdə çətinlik çəkirlər. Əks istiqamətdə quraşdırılmış svetofor isə ağacların arxasında qaldığı üçün görünmür. Protokola əlavə olunan videoda da açıq şəkildə görünür ki, bir neçə sürücü məhz bu səbəbdən qırmızı işıqda hərəkəti davam etdirir.

Qəza riskinin aradan qaldırılması və yol hərəkətinin təhlükəsizliyinin təmin edilməsi üçün svetoforun görünməsini təmin edən xüsusi konsol dayağının quraşdırılması vacib hesab olunur. Ümid edirik ki, aidiyyəti qurumlar məsələyə operativ şəkildə reaksiya verəcək və problem aradan qaldırılacaq.

Fərid