Telefonla məşğul olan sürücü əks istiqamətdə hərəkət edib təhlükə yaratdı - VİDEO

Paytaxtın Xəzər rayonu, Binə qəsəbəsi ərazisində qayda pozan sürücü avtomobilin videoregistratoruna düşüb.

Bu barədə izləyicilərdən biri Avtosfer.az-ın “Instagram” ünvanına videomaterial göndərərək məlumat verib. Hadisə iyunun 13-də saat 18:16 radələrində qeydə alınıb. Belə ki, ara yoldan çıxan 77-LF-628 dövlət nömrə nişanlı “KIA” markalı avtomobilin sürücüsü əks istiqamətdə hərəkət edib və bu zaman geriyə dönmə manevri edən digər sürücüyə qəza şəraiti yaradıb. İzləyicinin məlumatına görə, qarşı tərəf son anda siqnal verərək toqquşmanın qarşısını alıb. Eyni zamanda qayda pozan sürücünün sükan arxasında mobil telefondan istifadə etdiyi də iddia olunur.

Qeyd edək ki, diqqətin telefona yönəlməsi risk faktorunu bir neçə qat artırır. Xüsusilə ara yollarla əsas yola çıxış zamanı bir neçə saniyəlik diqqətsizlik belə qarşılıqlı manevrləri qəza həddinə gətirə bilir.

Nərmin