Tıxacda vaxt qazanmaq istəyən sürücülər əks yola çıxdı; biri yolu kəsdi - VİDEO

Bakıda yol hərəkəti qaydalarını kobud şəkildə pozan sürücülər kameraya düşüb. Avtosfer.az xəbər verir ki, hadisə fevralın 27-də paytaxtın Əliəşrəf Əlizadə küçəsində qeydə alınıb. Belə ki, 77-PN-097 dövlət qeydiyyat nişanlı “Chevrolet”, 77-VD-924 qeydiyyat nişanlı “Changan”, 90-UH-616 qeydiyyat nişanlı “Mercedes” və 77-UC-435 qeydiyyat nişanlı “KIA” markalı avtomobillərin sürücüləri sıxlıq zamanı vaxt qazanmaq məqsədilə əks yola çıxıblar. Sonda isə “KIA” markalı avtomobilin sürücüsü qarşıdan gələn “Mercedes” markalı avtomobilin qarşısını kəsərək onun hərəkətinə mane olub.

Belə qayda pozuntuları təkcə inzibati məsuliyyət yaratmır, eyni zamanda ağır yol-nəqliyyat hadisələrinə səbəb ola bilər. Sürücülərdən xahiş olunur ki, tələskənlik və riskli manevrlərdən çəkinərək daha məsuliyyətli davransınlar.

Fərid