Yan güzgüsü sınıq vəziyyətdə taksi işləyən "Prius" sürücüsü - VİDEO

Bakıda texniki cəhətdən nasaz vəziyyətdə olan avtomobillə taksi fəaliyyəti göstərən sürücü kameraya düşüb. Avtosfer.az-ın əldə etdiyi məlumata görə, hadisə iyunun 6-da paytaxtın Ənvər Qasımzadə küçəsində qeydə alınıb.

Belə ki, 77-LJ-345 dövlət nömrə nişanlı “Toyota Prius” markalı avtomobilin sol yan güzgüsü sınıq olsa da, sürücü nəqliyyat vasitəsini bu vəziyyətdə idarə edib və sərnişin daşımaqda davam edib. Bu, yol hərəkəti təhlükəsizliyi baxımından ciddi qayda pozuntusudur.

Qeyd edək ki, yan güzgülər sürücünün ətrafdakı nəqliyyat vasitələrini izləməsi və təhlükəsiz manevr etməsi üçün vacib sayılır. Belə bir nasazlıqla yola çıxmaq təkcə sürücünün deyil, digər hərəkət iştirakçılarının da həyatını riskə atır. Taksi sürücülərinin gün ərzində fasiləsiz hərəkətdə olduqları nəzərə alınsa, bu cür texniki qüsurla xidmət göstərmək yolverilməz və son dərəcə təhlükəlidir.

Fərid