Yasamalda sürücülər blokun önünü zəbt edib binaya girişi məhdudlaşdırdılar - VİDEO

Paytaxtın Yasamal rayonu, Ələsgər Ələkbərov küçəsində dayanma-durma qaydasını pozan sürücülər görüntülənib.

Bu barədə izləyicilərdən biri Avtosfer.az-ın “Facebook” ünvanına videomaterial göndərib. Belə ki, “Chevrolet”, 90-VP-900 dövlət nömrə nişanlı “Lixiang” markalı və 77-GP-036 dövlət nömrə nişanlı “Nissan” markalı avtomobillərin sürücüləri yaşayış binasının blokunun girişində park edib. Blokun önü tamamilə zəbt olunduğu üçün sakinlər 14 mənzildən ibarət binaya daxil olarkən çətinliklə qarşılaşıblar. Şikayətçinin sözlərinə görə, qayda pozan sürücülər hadisə yerində olmayıblar. O, iki maşının arasından güclə keçdiyini, bu halda fövqəladə hal baş verərsə sakinlərə yardımın edilə bilməyəcəyini əlavə edib. 

Xatırladaq ki, qanunvericiliyə görə, avtomobili girişlərin, habelə darvazaların qarşısında park etmək qadağandır.

Nərmin