Yasamalda taksi dayanacağı ilə bağlı narazılıq: “Yer tapmaq mümkün deyil” - VİDEO

Paytaxtın Yasamal rayonu, Bəxtiyar Vahabzadə küçəsində qayda pozan sürücülər lentə alınıb.

Bu barədə taksi faəliyyətiylə məşğul olan sürücülərdən biri Avtosfer.az-ın “Whatsapp” ünvanına video göndərərək ətraflı məlumat verib. Hadisə mayın 6-da günorta saatlarında qeydə alınıb. Videodan göründüyü kimi, 77-NK-524 dövlət nömrə nişanlı “KIA” markalı və 90-RM-022 dövlət nömrə nişanlı “Mercedes” markalı avtomobillər taksilər üçün nəzərdə tutulmuş dayanacaqda, 90-LR-390 dövlət nömrə nişanlı “Mercedes” markalı maşın isə ikinci zolaqda saxlanılıb.

Şikayətçinin iddiasına görə, 77-UG-934 dövlət nömrə nişanlı “Hyundai” markalı avtomobil və ondan öndə dayanmış bir neçə nəqliyyat vasitəsi taksi tanınma nişanından istifadə etsə də, onların müvafiq icazə sənədləri və buraxılış kartları yoxdur.  

İzləyici bildirib ki, bu vəziyyət taksi dayanacağından rəsmi qaydada istifadə edən sürücülər üçün çətinlik yaradır və nəticədə müştəri gözləmək üçün nəzərdə tutulan ərazidə park etməyə yer tapmaq mümkün olmur.

Nərmin