Yaşayış zonasında nömrəsiz “Prius”la təhlükə yarada-yarada “şou” göstərdi - VİDEO

Paytaxtın Nizami və Xətai rayonlarında yol hərəkəti qaydalarını kobud şəkildə pozan sürücünün görüntüsü sosial şəbəkədə yayılıb.

Avtosfer.az-ın məlumatına görə, 77-DF-979 dövlət nömrə nişanlı “Toyota Prius” markalı avtomobilin sürücüsü yaşayış zonasında təhlükəli manevrlər edib. Belə ki, döngəyə sərt girən sürücü yol boyu “sağ-sol” edərək piyadalara və park edilmiş avtomobillərə təhlükə yaradıb. Eyni zamanda o, avtomobiliin dövlət qeydiyyat nişanını çıxararaq idarə edib. 

Bakı şəhər Dövlət Yol Polisi İdarəsindən Avtosfer.az-ın sorğusuna cavab olaraq bildirildi ki, məsələylə bağlı araşdırma aparılır.

Nərmin