Yol nişanını görməzdən gəlib dairəyə daxil olan avtobus sürücüsü - 99-JS-231 - VİDEO

Paytaxtın Bakıxanov qəsəbəsi, Yavər Əliyev küçəsində qayda pozan sürücü qəza şəraiti yaradıb.

Avtosfer.az-ın məlumatına görə, hadisə fevralın 13-də saat 12:39 radələrində qeydə alınıb. Belə ki, 208 nömrəli müntəzəm marşrut xətti üzrə hərəkət edən  99-JS-231 dövlət nömrə nişanlı “Karsan” markalı avtobusun sürücüsü dairəvi hərəkət təşkil olunmuş yolayırıcının keçilməsi qaydasını pozub. Belə ki, o, dairə boyunca hərəkət edən avtomobilin yolunu kəsib. Xoşbəxtlikdən görüntünü qeydə alan sürücü maşını vaxtında saxlayaraq təhlükədən xilas olub.

Xatırladaq ki, Yol Hərəkəti Haqqında Qanunun 42-ci madəsində qeyd olunub ki, dairəvi hərəkət təşkil olunmuş yolayrıcının qarşısında qoyulmuş 4.3 nişanı olduqda, sürücülər dairə boyunca hərəkət edən nəqliyyat vasitələrinə yol verməlidir.

Nərmin