Yol nişanının yeri dəyişildi: “Zebra” çəkmək unuduldu - FOTO

Bakıda yol nişanının yerini dəyişdirilməsi çaşqınlıq yaradıb.

Avtosfer.az xəbər verir ki, paytaxtın Nizami rayonunda piyada keçidinin yerinin dəyişdirilməsi sürücülərlə yanaşı piyadaların da narazılığına səbəb olub.

Belə ki, elşən Süleymanov küçəsində əvvəllər işıqforun altında olan piyada keçidi və yol nişanının yeri dəyişdirilərək, hazırkı yerinə, arakəsmənin qarşısındakı işıq dirəyinin altına gətirilib. Yol nişanının yerinin uğursuz seçilməsi ilə yanaşı, ərazidəki ağacların da nişanın görünməsinə maneə yaratması sürücülər üçün problemə çevrilib. Nişanın yeri dəyişdirildiyi üçün yerə “zebra” çəkilməsi də unudulub.

Həm sürücülər, həm də piyadalar yaranan vəziyyətin aidiyyatı qurumlar tərəfindən tezliklə düzəldilməsini gözləyir.

Səfər