Yol polisi hərəkətə maneə yaradan sürücülərlə bağlı tədbir gördü - VİDEO

Paytaxtın Biləcəri qəsəbəsində yerləşən 202 nömrəli avtobus xəttinin son dayanacağının zəbt olunduğu iddia edilir. Avtosfer.az xəbər verir ki, sürücülərin sözlərinə görə, ərazidə avtobus dayanacağını bildirən yol nişanı olmasına baxmayaq yük avtomobilləri həmin yerdə park edilir. Belə ki, iritonnajlı avtomobillərin pik vaxtlarda dayanacaqda olması avtobusların oraya daxil olmasında çətinlik yaradır. Bu da öz növbəsində sürücü və sərnişinlər üçün çətinlik törədir.

Bakı Şəhər Dövlət Yol Polisi İdarəsindən (BDYPİ) bildirilib ki, hərəkətə maneə olan sürücülərlə bağlı qanuna uyğun olaraq tədbirlər görülüb.