Yol polisi sürücülərin hər gün etdiyi səhvin görüntülərini yaydı – Biabırçılıq - VİDEO

Yol hərəkəti qaydalarına əməl etmək hər bir sürücünün əsas vəzifəsidir.

Xüsusilə, hərəkət zolaqlarının düzgün seçilməsi, zolaqlar üzrə nizamlı davranış sürücü mədəniyyətinin vacib göstəricisidir.

Avtosfer.az xəbər verir ki, yolun zolaqlara bölünməsi hərəkətin tənzimlənməsinə, axıcılığın təmin olunmasına, istiqamətlərin aydın müəyyənləşdirilməsinə və ən əsası yol-nəqliyyat hadisələrinin qarşısının alınmasına xidmət edir.

Xaçmazda narkoman sürücülər həbs edildi - FOTO

Təəssüf ki, bəzi sürücülər intizamsız davranaraq nişanlanma xətlərinin tələblərinə məhəl qoymur, digər nəqliyyat vasitələrini nəzərə almadan, tez-tez zolaq dəyişir, lüzumsuz manevrlər edirlər. Nəticədə yollarda qarışıqlıq, süni sıxlıq yaranır və qəza riski əhəmiyyətli dərəcədə artır.

Unutmayaq ki, zolaqlar üzrə intizamlı hərəkət yol mədəniyyətinin, qaydalara hörmətin və digər hərəkət iştirakçılarına qarşı məsuliyyətin göstəricisidir.

Baş Dövlət Yol Polisi İdarəsi bir daha sürücülərə müraciət edərək xatırladıb ki, hərəkət zolaqlarını dəyişmək yalnız qaydalar çərçivəsində və mütləq dönmə siqnalı verilməklə həyata keçirilməlidir. Hər kəs məsuliyyətli davranarsa, yollarımız daha təhlükəsiz, hərəkət isə daha rahat və səmərəli olar.