Yol polisindən qaçıb iki maşını vurdu, barəsində 8 protokol yazıldı – Vəsiqəsi də yoxdur - VİDEO

Yol polisindən qaçan sürücü ağır qəza törədib. Avtosfer.az xəbər verir ki, Rusiyanın İrkutsk bölgəsində  baş verən hadisənin görüntüləri təhlükəsizlik kamerası tərəfindən qeydə alınıb.

Belə ki, “Toyota” markalı avtomobilin sürücüsü yol polisi əməkdaşının “saxla” əmirinə tabe olmayıb. Təqib zamanı polisdən qaçan sürücü sürətlə idarə etdiyi avtomobil yol kəsişməsində əvvəlcə “Volkswagen”, sonra isə “Honda” markalı maşınlarla toqquşub. Zərbənin təsirindən “Honda” aşıb, idarəetmədən çıxan “Toyota” isə yol nişanına çırpılıb və nişan qadın piyadanın üstünə düşüb. Qəza nəticəsində 3 nəfər xəsarət alıb.

Polisdən verilən məlumata görə, “Toyota” markalı avtomobil sahibinin sürücülük hüququ olmayıb, bu səbəbdən də polisdən qaçıb. Onun barəsində 8 inzibati protokol tərtib edilib.

Sözügedən hadisənin anbaan videosunu təqdim edirik:

Namiq Musayev