Yolayrıcına qəfil girən “KamAZ” qəzadan son anda yaxa qurtardı - VİDEO

Paytaxtın Sabunçu rayonu, Bakıxanov qəsəbəsində kobud qayda pozan sürücü kameraya düşüb. 

Avtosfer.az-ın məlumatına görə, hadisə fevralın 23-də günorta saatlarında qeydə alınıb.

Kadrlardan görünür ki, 77-CJ-590 dövlət nömrə nişanlı “KamAZ” markalı yük avtomobilinin sürücüsü “Yol ver” nişanının tələbini nəzərə almadan yolayrıcına daxil olub.

Nəticədə baş yolda hərəkətdə olan avtomobil üçün qəza şəraiti yaranıb.

Xoşbəxtlikdən təhlükəylə üzləşən sürücü operativ reaksiya verərək son anda qəzanın qarşısını ala bilib.

Qeyd edək ki, “Yol ver” nişanı ikinci dərəcəli yoldan çıxan sürücünün baş yolda hərəkət edən nəqliyyat vasitələrinə maneə yaratmadan dayanmasını və yalnız təhlükəsiz şərait yarandıqdan sonra hərəkətə başlamasını tələb edir.

Xüsusilə iriölçülü yük maşınlarının belə yolayrıclarında məsuliyyəti daha böyükdür, çünki onların sürətlənməsi və dayanma məsafəsi minik avtomobilləri ilə müqayisədə xeyli fərqlənir.

Nərmin