Yolda sıxlığa səbəb olan sürücü özünə haqq qazandırdı: "Əcəb edirəm..." - VİDEO

Bakıda dayanma-durma qaydasını pozan və yol nişanının tələbini pozan sürücülər hərəkətə çətinlik yaradıblar. Avtosfer.az xəbər verir ki, hadisə iyulun 31-də, paytaxtın İnşaatçılar prospektində qeydə alınıb. Belə ki, 90-VC-800 qeydiyyat nişanlı "BMW" markalı avtomobilin sürücüsü düzünə hərəkət təşkil edilmiş zolaqdan sola dönməyə çalışır, 77-DS-270 qeydiyyat nişanlı "Opel" markalı avtomobilin sürücüsü isə dayanma-durma qaydasını pozub. Sürücülərin bu hərəkəti yolda sıxlığa səbəb olub.

Görüntünü qeydə alan avtomobilin sürücüsü dayanma-durma qaydasını pozan sürücüyə irad bildirərkən, o, "əcəb edib saxlayıram" deyərək özünə haqq qazandırıb.

Bakı şəhər Dövlət Yol Polisi İdarəsindən Avtosfer.az-a verilən məlumata görə, dayanma-durma qaydasını pozaraq özünə haqq qazandıran sürücü Quliyev Seymur Niyaz oğlu inzibati qaydada məsuliyyətə cəlb edilib.

Sözügedən videonu təqdim edirik.

Fərid