Yolu boş görən sürücü işıqforu heçə sayıb hərəkətini davam etdirdi - VİDEO

Paytaxtın Nərimanov rayonu, Zaur Nudirəliyev küçəsində yol hərəkəti qaydalarının kobud şəkildə pozulduğu an kameraya düşüb.

Avtosfer.az-ın məlumatına görə, hadisə iyunun 18-də saat 18:35 radələrində qeydə alınıb. Kadrlardan görünür ki, “BMW” markalı avtomobilin sürücüsü işıqforun qırmızı işarəsinə məhəl qoymadan, yolun boş olmasından istifadə edərək yolayrıcına daxil olur və hərəkəti davam etdirir.

Sürücü xətanı törədərkən yolayrıcında digər nəqliyyat vasitəsi olmasa da, bu hal yenə də riskli vəziyyət yaradır. Belə ki, yolun boş görünməsi qəfil başqa avtomobilin yolayrıcına daxil olması ehtimalını istisna etmir və qəza şəraiti yarana bilər. İşıqforla nizamlanan yolayrıclarında isə yolun vəziyyətindən asılı olmayaraq, sürücü mütləq şəkildə siqnalların tələbinə uyğun hərəkət etməlidir.

Nərmin