Yolu hardan gəldi keçən piyada: “Qanunu saymıram” - VİDEO

Dəfələrlə edilən xəbərdarlıqlara baxmayaraq, bəzi piyadalar hələ də piyada zolağı olmayan ərazilərdən keçməkdə davam edirlər.

Avtosfer.az xəbər verir ki, məsələ ilə bağlı təlimçi Arzu Babazadə “Dərnəgül” Nəqliyyat Mübadilə Mərkəzinin yaxınlığında müşahidə etdiyi təhlükəli vəziyyəti gündəmə gətirib.

Onun sözlərinə görə, həmin ərazidə valideynlərin övladları ilə birlikdə “zebra”nın çox yaxın məsafədə olmasına baxmayaraq, piyada keçidi olmayan hissədən yolu keçməsi narahatlıq doğurur. Təlimçi bildirib ki, belə hallarda valideynlər həm özlərini, həm də övladlarını ciddi təhlükə altına atırlar.

Arzu Babazadə qeyd edib ki, o, vəziyyətin təhlükəli olduğunu bildirərək valideynlərə dəfələrlə xəbərdarlıq edib. Lakin buna baxmayaraq bəzi valideynlər irada etinasız yanaşaraq “qanunu saymıram” deyərək deyib təlimçi ilə kobud rəftar ediblər.

Təlimçi vurğulayıb ki, bu cür məsuliyyətsiz davranışlar həm uşaq təhlükəsizliyi, həm də ümumi yol hərəkətinin təhlükəsizliyi baxımından qəbuledilməzdir. Onun sözlərinə görə, piyada keçidlərinin məqsədi və əhəmiyyəti barədə maarifləndirici tədbirlərin artırılmasına ciddi ehtiyac var.

Eltac