Yolun ortasında qapını açıb sərnişinləri düşürtdü - Təhlükəli anlar - VİDEO

Bakıda yol hərəkəti qaydasını pozan avtobus sürücüsünün görüntüsünü oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə mayın 11-də, Sabunçu rayonu Yeni Ramana yolunda qeydə alınıb.

Belə ki, 141 saylı xətt üzrə fəaliyyət göstərən 99-GV-626 qeydiyyat nişanlı avtobusun sürücüsü yolun sol zolağında dayanaraq sərnişinləri düşürüb. Avtobusdan düşüb yolu keçən sərnişinlərin təhlükə ilə üz-üzə qalması videogörüntüyə əks olunub.

Qeyd edək ki, bu qayda pozuntusuna görə, sürücü İnzibati Xətalar Məcəlləsinin 346.3-cü maddəsilə 4 bal 100 manat məbləğində cərimə oluna bilər.

Fərid