Zolağa baxmadan manevr edən sürücü qəza təhlükəsi yaratdı - VİDEO

Paytaxtın Xətai rayonu, Rahib Məmmədov küçəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə fevralın 15-də saat 17:19 radələrində baş verib.

Videodan görünür ki, taksi fəaliyyəti ilə məşğul olan 77-QJ-517 dövlət nömrə nişanlı “BYD” markalı avtomobilin sürücüsü sağ zolaqda hərəkətdə olan digər maşına məhəl qoymadan oraya manevr edib.

Nəticədə görüntünü qeydə alan avtomobil üçün qəza şəraiti yaranıb. Sürücü isə yolun sağ hərəkət hissəsinə çıxaraq təhlükənin qarşısını alıb.

Nərmin