13 yaşlı yeniyetməni avtomobil vurub - Qubada

Qubada 13 yaşlı yeniyetməni avtomobil vurub. Avtosfer.az-ın "Report"a istinadən verdiyi məlumata görə, Quba şəhəri 29-cu məhəllədə yaşayan 2005-ci il təvəllüdlü Hüseyn Cəbrayıl oğlu Nicatov şəhərin Həydər Əliyev prospektində yolu keçərkən avtomobil onu vurub. Ağır xəsarət alan H.Nicatov Quba rayon Mərkəzi Xəstəxanasının cərrahiyyə şöbəsinə yerləşdirilib. Həkimlər qapalı kəllə-beyin travması alan yaralının vəziyyətini ağır kimi qiymətləndirirlər.  Faktla bağlı Quba rayon Polis Şöbəsində araşdırma aparılır.