25 yaşlı qadını avtomobil vurub - Balakəndə

Balakən rayonunda 25 yaşlı qadını avtomobil vurub. Avtosfer.az-ın “Report”a istinadən verdiyi məlumata görə, hadisə bu gün günorta saatlarında Balakən Rayon Mərkəzi Xəstəxanasının qarşısında baş verib. Belə ki, Balakən şəhər sakini, 1993-cü il təvəllüdlü Sevər Mehman qızı Mirzəyeva yolu keçmək istəyərkən “VAZ-21074” markalı minik avtomobili vurub. Yaralı Balakən Rayon Mərkəzi Xəstəxanasına yerləşdirilib. Ona sağ körpücük sümüyünün qəlpəli sınığı diaqnozu qoyulub, müalicəsi Cərrahiyyə şöbəsində aparılır. Faktla bağlı araşdırma aparılır.