97 yaşlı sərnişinin olduğu avtomobil qəzaya düşdü: Yaralılar var

Yevlax-Zaqatala-Gürcüstan sərhədi magistral yolunun Balakən rayonunun Katex kəndi ərazisindən keçən hissəsində ağır yol-nəqliyyat hadisəsi baş verib.

Avtosfer.az APA-ya istinadla xəbər verir ki, hərəkətdə olan "Mazda" və VAZ-2107 markalı avtomobillərin toqquşması nəticəsində üç nəfər xəsarət alıb. Yaralılar dərhal Balakən Rayon Mərkəzi Xəstəxanasının Təcili Tibbi Yardım şöbəsinə yerləşdiriliblər.

Hadisə zamanı xəsarət alan şəxslər - "Mazda"nın sürücüsü, Zaqatala rayon sakini, 34 yaşlı Nərgiz Nuriyeva, həmin avtomobildə olan sərnişin, 97 yaşlı Səadət Şabanova və VAZ-2107-nin sürücüsü, Balakən rayon sakini, 19 yaşlı Dahil Rəcəbovdur.

Yaralılardan N.Nuriyeva və D.Rəcəbovun vəziyyəti qənaətbəxş, 97 yaşlı S.Şabanovanın vəziyyəti isə orta ağır olaraq qiymətləndirilir.

Faktla bağlı araşdırma aparılır.