ABŞ-də yanğın söndürməyə gedən helikopter qəzaya uğradı - Heyətdən xəbər yoxdur

ABŞ-nin Yuta ştatında meşə yanğınının söndürülməsi işlərinə cəlb olunan helikopterlərdən biri qəzaya uğrayıb.

Avtosfer.az xəbər verir ki, bu barədə ABŞ Federal Aviasiya Administrasiyası (FAA) məlumat yayıb.

Bildirilib ki, yanğının söndürülməsi üçün əraziyə göndərilən yeddi helikopterdən biri qəza keçirib. Hadisədən sonra göyərtədəki iki nəfərin taleyi barədə məlumat əldə etmək mümkün olmayıb.

Qeyd edək ki, Yuta ştatında meşə yanğını iyulun 27-də ildırım düşməsi nəticəsində başlayıb. Alov qısa müddət ərzində geniş əraziyə yayılaraq təxminən 427 kvadrat kilometr sahəni əhatə edib. Məlumata görə, yanğının başlanmasından 12 gün sonra ərazinin yalnız 19 faizi nəzarət altına alınıb. Yanğının söndürülməsi üçün havadan və qurudan genişmiqyaslı mübarizə tədbirləri davam etdirilir.