Abşeron sakinini avtomobil vuraraq öldürüb

Abşeron rayonunda ölümlə nəticələnən yol nəqliyyat hadisəsi baş verib. Avtosfer.az Daxili İşlər Nazirliyinin mətbuat xidmətinə istinadən xəbər verir ki, hadisə mayın 9-da saat 22 radələrində rayonun Masazır qəsəbəsi ərazisində baş verib. Belə ki, İmişli rayon sakini Malik Məhəmmədov idarə etdiyi “Mercedes” markalı avtomobillə yolu keçən qəsəbə sakini Ülvi Məmmədovu vurub. Nəticədə xəstəxanaya yerləşdirilmiş piyada orada ölüb. Faktla bağlı Abşeron Rayon Polis İdarəsində tərəfindən araşdırma aparılır.