Abşeronda qəribə qəza: Qoşqudakı ekskavator "Prius"un üzərinə aşdı - VİDEO

Abşeron rayonu, Digah yolunda yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə nəticəsində ekskavator avtomobilin üzərinə aşıb.

Baş Dövlət Yol Polisi İdarəsindən bildirilib ki, hadisə iyulun 11-i saat 22:53-də baş verib:

"Abşeron rayonu, Digah yolunda Namiq Quliyevin idarə etdiyi 90-SL-562 dövlət nömrə nişanlı "MAN TGA" markalı qoşqulu yük avtomobili geriyə hərəkət edərkən daşıdığı ekskavator Azər Mahmudovun idarə etdiyi 99-UM-616 dövlət nömrə nişanlı "Toyota Prius" markalı avtomobilin üzərinə düşüb. Hadisə maddi zərərlə nəticələnib. Ölən və xəsarət alan olmayıb".