Aeroport yolunda QƏZA baş verdi: tamaşa edən sürücülər tıxac yaratdı - FOTO

Heydər Əliyev prospektində yol qəzası baş verib, nəqliyyatda sıxlıq yaranıb.

Daxili İşlər Nazirliyi Nəqliyyatı İntellektual İdarəetmə Mərkəzindən (NİİM) Avtosfer.az-a verilən məlumata görə, Bakı şəhərinin Nizami rayonu ərazisində, Heydər Əliyev prospektində – Bakı Olimpiya Stadionunun yaxınlığında yol-nəqliyyat hadisəsi baş verib.

Qəza nəticəsində həm şəhər mərkəzi istiqamətində, həm də Aeroport şosesinə doğru nəqliyyatın hərəkətində sıxlıq müşahidə olunur. Sıxlığın aradan qaldırılması məqsədilə əraziyə cəlb olunan polis əməkdaşları tərəfindən müvafiq tədbirlər görülür.

Sürücülərə həmin istiqamət üzrə hərəkətdə olarkən alternativ yollardan istifadə etmələri tövsiyə olunur.

Fotoya diqqətlə baxdıqda görünür ki, yol-nəqliyyat hadisəsi ayrıcı zolağın üzərində baş verib. Qəzaya uğrayan hər iki avtomobil yolun hərəkət hissəsindən kənardadır. Buna baxmayaraq, qarşı boş olduğu halda hərəkət intensivliyi aşağıdır, çünki əlinə telefon alıb çəkiliş aparan sürücülər tamaşa etməyə üstünlük verirlər.