Ağcabədidə avtomobil və motosiklet toqquşdu, 1 nəfər öldü

Ağcabədidə minik maşını ilə motosiklet toqquşub, 1 nəfər ölüb. 

Avtosfer.az apa-ya istinadən verir ki, hadisə iyulun 2-də rayonun Ağabəyli kəndi ərazisində qeydə alınıb. 

Amil Həsənovun idarə etdiyi "Hundai" markalı minik maşını motosikletlə toqquşub. Qəza nəticəsində motosikletçinin tərkində olan Məmmədov Tural hadisə yerində dünyasını dəyişib. 

Faktla bağlı araşdırma aparılır.