Ağstafada yol qəzası: 6 yaralı

Ağstafa rayonunda baş verən ağır yol qəzasında xəsarət alanların sayı 6-ya çatıb. "Report"un Qərb bürosunun məlumatına görə, Bünyamin Namazovun idarə etdiyi VAZ markalı avtomobil qarşı tərəfdən gələn avtomobillə toqquşub. Nəticədə sürücü B.Namazov və avtomobildə olan sərnişinlər - 1982-ci il təvəllüdlü İqbal Fazil oğlu Namazov, onun həyat yoldaşı, 1987-ci il təvəllüdlü Aytən Alı qızı Namazova, 2013-cü il təvəllüdlü Yusif İqbal oğlu Namazov, 1989-cu il təvəllüdlü Aygün Valeh qızı Alıyeva və 2017-ci il təvəllüdlü Onur Vüqar oğlu Alıyev ağır bədən xəsarətləri ilə Ağstafa Rayon Mərkəzi Xəstəxanasına yerləşdiriliblər. Qeyd edək ki, İqbal Namazov Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Ağstafa rayon şöbəsinin əməkdaşıdır.

***15:06

Ağstafa rayonunda yol qəzası baş verib. İki minik avtomobilinin toqquşması nəticəsində bir ailənin 4 üzvü yaralanıb. Faktla bağlı araşdırmalara başlanılıb.