Ağsuda minik maşını "Shacman"a çırpıldı: Ata öldü, oğlu yaralandı

Ağsu rayonunda ağır yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə bu gün səhər saat 7 radələrində Şamaxı-Padarçöl yolunun Ağsu rayonunun Navahı kəndi ərazisindən keçən hissəsində qeydə alınıb.

VAZ-2106 minik avtomobili ilə "Shacman" markalı yük maşını toqquşub. Nəticədə VAZ-2106-da olan 1965-ci il təvəllüdlü İsa Mirələm oğlu Sadıqov hadisə yerində ölüb, onun oğlu, 1992-ci il təvəllüdlü Bəhlul İsa oğlu Sadıqov isə ağır xəsarətlərlə xəstəxanaya yerləşdirilib.

Daxili İşlər Nazirliyinin Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırmalar aparılır.