Avtobus avtomobillə toqquşdu: 1 ölü, 10 yaralı - Bakı-Quba yolunda

Bakı-Quba yolunun Quba rayonu ərazisindən keçən hissəsində ağır yol qəzası baş verib. Avtosfer.az xəbər verir ki, Səhiyyə Nazirliyinin mətbuat xidmətinin mütəxəsisi Səfayə Əhmədovanın “Report”a verdiyi məlumata görə, sərnişin avtobusu “Nissan” markalı avtomobillə toqquşub. Hadisə nəticəsində “Nissan”ın sürücüsü ölüb. Əraziyə 6 "Təcili yardım" maşını göndərilib.

Yaralılardan 6 nəfərinə hadisə yerində yardım göstərilib, daha 4 nəfər isə Quba Rayon Mərkəzi Xəstəxanasına aparılıb. Onlardan üç nəfərinin vəziyyəti ağırdır.