Avtobus dərəyə yuvarlandı - 7 ölü, 15 yaralı

Peruda avtobusun qəzaya uğraması nəticəsində 7 nəfər həlak olub, daha 15 nəfər isə xəsarət alıb. Avtosfer.az Trend-ə istinadən xəbər verir ki, Kusko şəhəri yaxınlığında avtobus digər nəqliyyat vasitəsi ilə toqquşub və 200 metrlik dərəyə yuvarlanıb. Sərnişinlərdən 6 nəfəri yerindəcə həlak olub, bir nəfər isə xəstəxanada vəfat edib. Xəsarət alanlar arasında uşaqlar da var. Hazırda qəzanın səbəbləri araşdırılır.