Avtobus neft daşıyan maşınla toqquşub, 14 nəfər ölüb

Pakistanın Kohat dairəsində baş verən yol qəzasında azı 14 nəfər ölüb, daha 34-ü yaralanıb. “Report” RİA "Novosti"yə istinadən xəbər verir ki, bu barədə şənbə günü polisə istinadən "Dawn" qəzeti yazıb. Nəşrin məlumatına görə, marşrut avtobusun sürücüsü neft daşıyan yük maşını ilə toqquşub. Hər iki nəqliyyat vasitəsi qəza zamanı aşıb.

Qəzanın səbəbləri hələ ki, məlum deyil. Yaralıların əksəriyyətinin vəziyyəti ağır qiymətləndirilir. Faktla bağlı araşdırma aparılır.