Avtobusda qaz balonu partladı: 5 ölü, 21 yaralı

Özbəkistanın Buxara şəhəri yaxınlığında avtobusda qaz balonu partlayıb. Avtosfer.az-ın Trend-ə istinadən məlumatına görə, hadisə nəticəsində 5 nəfər həlak olub, daha 21 nəfər isə xəsarət alıb. Xəsarət alanlarda 5 nəfərinin vəziyyəti ağır olaraq qiymətləndirilir. Hadisə zamanı avtobusda 28 nəfər olub. 4 nəfər hadisə yerində həlak olub, bir nəfər xəstəxanaya çatdırıldıqdan sonra vəfat edib.