Avtomobil 38 yaşlı qadını vurub - Bakıda

Bakıda magistral yolda piyadanın xəsarət alması ilə nəticələnən yol-nəqliyyat hadisəsi olub. Avtosfer.az-ın "Report"a istinadən məlumatına görə, hadisə Qaradağ rayonunda baş verib. Belə ki, Bakı-Qazax yolunun Lökbatan qəsəbəsindən keçən hissəsində yolu keçmək istəyən 1980-ci il təvəllüdlü Əzimova Pərvanə Sabir qızını minik avtomobili vurub. Yaralı ağır xəsarət alaraq 1 saylı Kliniki Tibbi Mərkəzə yerləşdirilib. Fakt araşdırılır.