Avtomobil aşdı: ölənlər və yaralanan var - Kürdəmirdə

Gecə saatlarında Kürdəmir rayonunda 2 nəfərin ölümü, 1 nəfərin xəsarət alması ilə nəticələnən ağır yol-nəqliyyat hadisəsi baş verib.

Avtosfer.az-ın "Report"a istinadən məlumatına görə, hadisə Bakı-Qazax avtomobil yolunun rayonun Sığırlı kəndi ərazisindən keçən hissəsində qeydə alınıb.

İlkin məlumata görə, Qazax istiqamətdə hərəkətdə olan avtomobil idarəetmədən çıxaraq yol kənarındakı arxa aşıb. Nəticədə avtomobilin sürücüsü və 12 yaşlı sərnişin, Goranboy rayon sakini Aqşin Seymur oğlu Məmmədov hadisə yerində ölüb. Onların cəsədləri Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Kürdəmir Rayon Şöbəsinə yerləşdirilib.

Hadisə zamanı xəsarət almış 1988-ci il təvəllüdlü Goranboy rayon sakini Abdullayeva Təhminə Elbrus qızı Kürdəmir Rayon Mərkəzi Xəstəxanasının Travmatologiya şöbəsinə yerləşdirilib.

Faktla bağlı araşdırma aparılır.