Avtomobil aşdı: qadın və iki övladı xəsarət alıb - Göygöldə

Göygöldə xəsarətlə nəticələnən yol-nəqliyyat hadisəsi baş verib. APA-nın qərb bürosunun verdiyi məlumata görə, Bakı-Qazax magistral yolunun Göygöl rayonu ərazisindən keçən hissəsində “Chevrolit Aveo” markalı avtomobili yolun kənarına aşıb. Nəticədə avtomobilin sürücüsü olan qadın və iki övladı yüngül xəsarət alıb. Onlara tibbi yardım göstərilib. Vəziyyətləri normaldır.

Faktla bağlı Baş Dövlət Yol Polisi İdarəsində araşdırma aparılır.