Avtomobil aşdı: xəsarət alanlar var - Goranboyda

Naftalan-Goranboy magistralında yol-nqəliyyat hadisəsi baş verib. Avtosfer.az-ın "Report"a istinadən məlumatına görə, Goranboy rayonunun Qızılhacılı ərazisində qeydə alınıb.  Belə ki, 1957-ci il təvəllüdlü, Elxan Məmmədovun idarə etdiyi "Mazda" markalı avtomobil hərəkətdə olan zaman idarəetmədən çıxaraq aşıb. Nəticədə sürücü və daha iki nəfər, sürücünün qızı və nəvəsi müxtəlif bədən xəsarətləri ilə xəstəxanaya yerləşdirilib. Yaralılar Goranboy Rayon Mərkəzi Xəstəxanasına yerləşdirilib. Faktla bağlı araşdırma aparılır.