Avtomobil dayanacağa çırpıldı: 4 yaralı

Böyük Britaniyada avtomobil bulvarda avtobus dayanacağına çırpılıb. Avtosfer.az "Report"a istinadən xəbər verir ki, hadisə bu gün səhər saatlarında Ricent stritdə qeydə alınıb. London polisinin təqib etdiyi maşının dayanacağa çırpılması nəticəsində 4 nəfər xəsarət alıb. Onlardan üçü avtomobildə olan sərnişindir, bir nəfər isə yoldan keçən şəxsdir. Yaralılar xəstəxanaya yerləşdirilib, nəqliyyat vasitəsinin sürücüsü isə təhlükəli idarəetməyə görə saxlanılıb.