Avtomobil dayanacağa çırpıldı: bir nəfər xəsarət alıb - Lənkəranda

Lənkəranda yol qəzası olub. Avtosfer.az-ın APA-ya istinadən məlumatına görə, hadisə şəhər ərazisində qeydə alınıb. Belə ki, şəhər sakini, 1983-cü il təvəllüdlü Zamin İlham oğlu Xudiyev "VAZ 2106" markalı avtomobil hərəkət olan zaman qarşısına inək çıxıb. Z. Xudiyev inəyi vurmamağa çalışsa da nəticədə idarəetməni itirib və avtomobil yoldan çıxaraq yolun kənarında dayanacağa çırpılıb. Qəza zamanı sürücü müxtəlif dərəcəli xəsarətlər alıb. O, təcili yardım maşını ilə Lənkəran Rayon Mərkəzi Xəstəxanasına yerləşdirilib. Faktla bağlı araşdırma aparılır.